Wafanya biashara wengi wanatamani kuweka biashara zao Google Map ili mteja au mtu yeyote akitafuta bidhaa au huduma wanazotoa basi waonekane.
Na vitu ambavyo wengi wanatamani vionekane ni website yao (kama wana website), namba zao za simu, mitandao yao kijamii, wanapatikana wapi na wanajihusisha na nini.
Haya ndio mambo unatakiwa kuyajua na kufuata hatua kwa hatua ili biashara yako ikubaliwe na ionekana Google.
Jina la biashara au kampuni.
Hakikisha unaandika jina la kampuni kama lilivyosajiliwa BRELA. Baada ya kuwa verified ndio unaweza kuja kubadili lakini kwa sasa weka official name.
Aina ya Biashara.
Utatick kibox kama unauza kupitia website, unataka wateja waje ofisini kwako au wewe ndio unawatembelea wateja wako.
Mara nyingi wengi ofisi za bongo zinataka wateja wafike ofisini kwa hiyo "Tick vyote".
Taarifa za kampuni/Biashara.
Jaza hizi taarifa vizuri: Nchi, Mtaa biashara ilipo, anuani ya eneo hilo (Postal Code) na Mkoa. Zijaze hizo taarifa kwa usahihi usikosee.
Ukikosea hapo kwenye Map itakuja isome kwingine kabisa na itakusumbua.
Bonyeza next. Hapo mbele utaletewa option uangalie kama biashara yako ipo au la, ikiwa haipo cha kufanya we shuka mpaka chini palipo andikwa “None of these” halafu click Next.
Ramani.
Hiki ni kipengele muhimu sana kwa sababu ramani utakayoiweka ndio itakayoonekana Google, mtu yeyote anaweza kuifuata ikamfikisha hadi hapo ofisini kwako
Hakikisha inapoint ofisi yako ilipo exactly tofauti na hapo itakuwa inawapeleka watu sehemu nyingiine.
Mawasiliano.
Namba ya simu itakayoonekana Google. Hiyo namba inakuwa public mtu yeyote duniani anaiona na kuwapigia akitaka.
Hadi hapo utakuwa umemaliza zoezi na utapokea ujumbe kwenye email yako kuthibitisha kwamba Google Business profile iko verified au la!
Changamoto inayowakuta wengi wakati wa kuweka biashara Google Map
Watu wengi wanashindwa kuweka biashara zao Google kwa sababu hawajui nini wafanye au kitu gani kinahitajika. Ndio maana Google huwa wana kataa ku verify maombi yao.
Hii imenitokea mimi mwenyewe, nilienda kwa mteja pale Ilala karibu na Amana Hospital kumtengenezea Googe Business Profile ili biashara yao ionekana google.
Nilijaribu kuiweka biashara yao Google lakini Google walikataa mara mbili mfululizo kwa sababu kuna vitu sikuweza ku virekodi kama inavyohitajika na ilinichukua takribani wiki mbili.
Uki tuma video leo ili ifanyiwe verification inachukua takribani siku tano - ndani ya hizo siku tano au kabla watakwambia kama iko verified au la!. Mara nyingine huchukua dakika tano tu.
Haya ndio majibu niliyopewa na Google baada ya kurekodi na ombi langu likakataliwa.
Ufanye nini kama biashara yako itagoma kuwa verified?
Kwako wewe unaweza ukafanya hivyo vyote nilivvyoviweka hapo juu na biashara isiwe verified na Google. Itakuletea ujumbe wa “Your business is not visible to customers”
Baadhi ya biashara zinahitaji u rekodi video fupi ya dakika 2 ya eneo ilipo biashara yako ili Google wajiridhishe kama kweli ni wewe ni mmiliki halali wa biashara na ni biashara kweli? au la!
Jinsi ya ku-Verify Google Business Profile kwa Video
Mwanzoni sijakwambia kuhusu kuchagua njia gani utatumia ili uwe Verified.
Njia ya kwanza ni namba ya simu kama nilivyokuonyesha hizo process hapo juu lakini kwa makampuni njia ambayo huwa inatumika ku verify mara nyingi ni VIDEO au Email.
Napendekeza u verify kwa njia ya video, Ikikubaliwa sawa ila isipokubaliwa utaona ujumbe unaosema “verification not successful. To get verified submit another video“ (angalia picha hapa juu). Bonyeza Review issues
Utaona ni kitu gani haujakirekodi vizuri so vitu vyenyewe kwa ujumla ni kama ifuatavyo.
Street Sign, Recognizable landmark, Neighbouring business.
Mfano bango linaloonyesha jina la mtaa, clock tower au kitu chochote maarufu kinachojulikana na kipo Google tayari. Ikiwa hivyo vyote hakuna basi rekodi bango linaloonyesha biashara yoyote iliyopo karibu na pia tayari wameshaiweka Google.
Permanent Sign.
Kwenye hiyo biashara yako kama kuna mabango au umeandika ukutani hakikisha pia unayarekodi.
Rekodi unavyofungua ofisi.
Hii inaonyesha kuwa wewe ndiyo mmiliki halali wa hiyo biashara siyo kila mtu ana funguo za hapo ofisini.
Kwa sababu kwenye ku rekodi utaanzia nje mdogo mdogo unarekodi hadi unaifungua mlango unaingia ndani (hakikisha ofisi iwe imefungwa na kufuli au kitasa kabla hujaanza kurekodi) Ukifika mlangoni rekodi jinsi unavyofungua.
Zoezi hili lifanye ndani ya dakika 2 tu kisha Submit.
Kwa kifupi anza kurekodi mazingira ya nje (street sign/neighbouring business), kama kuna mabango mmeyaprint nje au ukutani hadi unafungua mlango, mazingira ya mule ndani ofisni.
Rekodi vizuri vitu vyote vitatu kama nilivyoviorodhesha hapo juu. Usirekodi mtu yeyote ukiwa unafanya hivyo.
Mwisho
Hongera umeweza kutengeneza njia moja wapo ya kupata wateja mtandaoni kupita Google. Kilichobaki ni wewe kuhakikisha unaweka taarifa zote unazotaka ziwepo google kwa usahihi. Kuandika posts mara kwa mara, kuongeza au kupunguza picha, kuomba reviews n.k
Kupata Passport ya kusafiria ya kawaida Tanzania ni mchakato wa takribani wiki mbili unakuwa umepata passport yako lakini inaweza kwenda hadi miezi miwili au mitatu kwasababu mbali mbali kama ilivyokuwa kwangu.
Iwe unataka kwenda kutembea, unatafuta kitambulisho cha kimataifa au kuhakiki akaunti zako (Verification), kufahamu hatua kwa hatua nini kinahitajika, mchakato wake ukoje mwanzo mwisho ni jambo la msingi sana.
Katika mwongozo huu, nitakueleza kila kitu unachopaswa kufahamu kwa sababu mimi mwenyewe nimefanya, kwa ufupi gharama ya serikali ya kuomba passsport ya kawaida ni Tsh 150,000/= ila wewe hakikisha una bajeti ya 200,000/=
Kwa nini niliamua kutafuta Passport?
Watu wengi huanza kutafuta passport wakiwa na safari tayari, lakini kwangu ilikuwa tofauti. Kitu kilichonisukuma zaidi ni hitaji la ku-verify akaunti yangu ya LinkedIn. Licha ya kuwa na kitambulisho cha NIDA, LinkedIn wanahitaji Passport pekee.
Hapo ndipo nilipoingia kwenye mchakato huu na kujifunza mengi ambayo nitakushirikisha hapa ili wewe usipate tabu niliyopata mimi.
Vitu 6 unavyotakiwa kuwa navyo kabla ya kuomba Passport
Haya ndiyo yaliyoniwezesha mimi kupata passport.
Cheti cha kuzaliwa cha kwako.
Namba ya NIDA
Cheti cha Kuzaliwa cha Mzazi mmoja wapo (Au Kiapo cha Uraia - Affidavit).
Mara nyingi wazazi wetu hawana vyeti vya kuzaliwa, cha kufanya hapo nenda kwa Mwanasheria yeyote atakuandikia hicho kiapo kinachoonyesha Mzazi wako ni Mtanzania. Hakikisha taarifa unazotoa ni za kweli.
Wanasheria wanajua watakuandikia vizuri. Kuhusu pesa mfano mimi Mwanasheria wangu aliniambia 20,000/= ambayo ni kawaida ikizidi hapo umepigwa (Makubaliano).
Ni vizuri pia uwe na copy ya kadi ya NIDA ya mmoja wa wazazi wako. Itoe copy utaiambatanisha baadae. Ni njema zaidi ikiwa ya mama.
Barua ya Utambulisho kutoka Serikali ya Mtaa.
Nenda serikali ya mtaa waambie wakupe form ya utambulisho, utaijaza au watakusaidia kuijaza na watakupatia.
Kuhusu pesa haizidi 4,000/= ikizidi umepigwa, wengine huwa ni bure inategemea unaisha sehemu ipi.
Passport size moja.
Kama hauna basi mwambie jirani yako au rafiki yako akupige ama uenda kwa wanaopiga Pasipoti utachagua mwenyewe kipi bora ila mimi nilipiga kwa simu yangu nika-crop biashara ikaishia hapo.
Hii passport utaitumia tu kwenye kufanya maombi online lakini itakayoonekana baada ya passport kutoka ni ile utakayopigwa siku ukienda uhamiaji.
Barua ya Maombi Binafsi (Inayoelezea sababu ya kusafiri)
Hii ni tofauti na barua kutoka serikali ya mtaa. Hii inatakiwa iwe fupi hata aya moja inatosha kama zile tulizokuwa tunaandika kipindi kile tuko form two.
Angalia mfano hapa
Hii ni lazima uiandike mwenyewe kwa kutumia laptop au uende stationary wakupige hela au unasemaje!.
NB: Hapa usidanganye ikiwa kweli unasafiri maana unaweza kukamatwa huko, kwenye maombi umeandika unaenda kusoma/kutembea halafu ukakutwa unafanya biashara aisee mimi simo kwenye hiyo kesi yako.
Pale Uhamiaji utaulizwa pia endapo majibu yako yatakinzana na kile ulichokiandika kwenye Barua, Utarudishwa.
Hivi ndio vitu pekee vilivyoniwezesha mimi kupata passport. Bila hivi utakuwa bado hujatimiza vigezo vya kufanya maombi ya Passport Uhamiaji.
Hatua kwa hatua jinsi ya kuomba passport kwenye mfumo wa Uhamiaji Tanzania
Hii ni hatua ya kwanza ambayo unatakiwa uifanye ukiwa popote. Usiende ofisi za uhamiaji mfano pale ofisi za uhamiaji kurasini, Dar es Salaam kabla haujamaliza maombi ya awali kwenye mfumo.
Kama huniamini jifanye kama hujasoma hii uende utanikumbuka baadae.
Ni vizuri utumie laptop au Desktop ukiwa unafanya maombi online maana kwenye simu itakusumbua bure.
Bonyeza hii link Apply passport itakupeleka kwenye website ya uhamiaji tayari kwa kuanza maombi. Kama hujajisajiri jisajiri na kama tayari basi utaweka namba ya simu na kumbumbuku namba yako.
Hapa naomba tuelewane kumbukumba namba utakayopewa hakikisha unainakiri sehemu maana utaulizwa karibia kila sehemu utakayoenda hata kwenye mfumo wa uhamiaji uki log out itakuomba hiyo kumbumbuku namba. Ukiisahau umeisha narudia ukiisahau umeisha.
Vipengele Muhimu kuvifahamu ukiwa unajaza taarifa zako
Jaza kila sehemu taarifa sahihi kwenye hiyo form. Vitu vichache ambavyo utakutana navyo na huenda usivielewe ni hivi vifuatavyo.
Namba ya Uraia - hii ni namba ya NIDA
Kazi
Hapa andika cheo chako. Hakikisha una ushahidi usibuni cheo maana kule uhamiaji ukienda wanaweza kukuomba ushahidi.
Mfano mimi niliandika Freelancer kwako wewe weka cheo chako. Hakikisha tu unachoandika ndio kazi yako na unaweza kujitetea.
Jaza na upload vitu vinavyohitaji sehemu husika kama nilivyokuelekeza hapo juu hadi utakapofika sehemu ya malipo. Watakupa CONTROL number ulipie, lipia 20,000/= tu.
Ukilipia itafunguka hiyo hatua ya mwisho. Utadownload hiyo document nzima na utaenda kui print.
Tumemaliza hatua ya kwanza.
Hatua inayofuata ni kwenda ofisi za uhamiaji ukiwa na document zote zikiwa printed. Nisisahau, NIDA yako pia itoe copy na uiambatanishe.
Ukifika ofisini ulizia sehemu unaweza pata Muhuli wa mwanasheria hapo hapo uhamiaji utaonyeshwa na watakupangia document zako vizuri. Gharama ya muhuli ni 10,000 sidhani kama itazidi hapo ikizidi umepigwa.
Baadae utaziwasilisha hizo document zote zitakaguliwa kisha utapewa control number ulipie 130,000/= kwa passport ya kawaida.
Mpaka hapo utakuwa tayari umemaliza zoezi utakusanya hizo documents baadae utaitwa utaulizwa maswali ya hapa na pale, utaenda kupigwa picha na utaambiwa siku ya kwenda kuichukua na ni sehemu gani. Ni hivyo tu simple!
Hakikisha unawahi kwenye ofisi zao maana watu ni wengi saa moja kamili asubuhi uwe umefika.
Itachukua muda gani kupata kupata Passport yangu
Kitaalamu huwa inachuua siku 14 tu lakini kwangu ilikuwa tofauti imenichukua miezi mitatu kuipata. Tarehe ambayo niliambiwa nikaichukue pale Wizara ya Mambo ya ndani nilikuta bado haijatoka nikapigwa kalenda.
Kwako wewe ukiambiwa ukachukue tarehe fulani halafu hiyo siku ukaenda na ukaambiwa haijatoka hapo ongeza mwezi mmoja ndio uende tena vinginevyo utakuwa kama umeajiriwa pale.
Aidha ikiwa una uharaka wa kusafiri na ushahidi unao mfano tiketi ya ndege, barua ya ajira au masomo basi unaweza kuipeleka ofisi ya uhamiaji kuomba upatiwe Passport kwa uharaka. Hii itakuokoa kuliko kusubiri.
Kama utakuwa na nyongeza ama swali lolote uliza hapa hapa au nichek WhatsApp HAPA tupange ni nchi gani tuende mwaka huu.
Hebu tuwe wakweli Kuhusu Kupata Wateja Mtandaoni . Tangu uamue kuuza maarifa mtandaoni hakuna kilichotokea. Juhudi za kupost na kucomment kila mara zinaishia kuwa mbuzi wa masikini –hazizai matunda. Watu hawakufuati kutaka huduma yako.
DM yako ni kavu kama jangwa la Kalahari. Hadhira uliyonayo (followers) hawakufuatilii. Likes na comments ni za kumulika kwa tochi. Hata Likes zikiwa nyingi, bado mauzo ni sifuri.
Mbaya zaidi, hata haujui kwanini unafeli mtandaoni. Haujui shida iko wapi!
Ukweli ni kwamba huna hadhira inayokuchukulia serious. You don’t have an audience.
Jina lako mtandaoni halina hadhi, hujaweza kujitofautisha na ndiyo maana watu hawaoni sababu kwanini wakuchague wewe. You are just another voice in the noise.
Hii makala itakusaidia sana.
Nimeamua kuandika kitu ambacho utakifanyia kazi papo na kuanza kona mabadiliko.
Twende kazi!
Shida ya kwanza: Huna kitu kinaitwa “narrative”
Kosa kubwa unaloweza kulifanya mtandaoni ni kuingia bila kuwa na simulizi inayokutambulisha. Hapa siongelei historia ya maisha yako sijui wewe ni nani, ulizaliwa wapi ikaja ikaenda….hapana. Hiyo ni sehemu tu ya kuunda narrative.
Kuwa na narrative maana yake ni ule mjumuiko wa stori, mawazo na vitendo vinavyojenga taswira yako ya kipekee. Mambo gani unasimamia, yapi unayapinga —yaani how are your choices, values and action build up a narrative around your identity?
Unataka mfano? Sawa.
Tuseme haupendi kuajairiwa, ulijaribu ukaacha kazi na sasa uko na mishe zako binafsi (Solopreneurship).Kwahiyo narrative yako itakuonyesha kama mtu anayependa uhuru na ni mjasiriamali.
Mfano mwingine wa kuunda narrative yako ni kuunda misemo yako na namna pekee ya uwasilishaji. Yaani hautumii maneno na lugha iliyozoeleka kwenye niche yako.
Hakikisha una "kaongelee" kako, misemo yako, misimamo na mitindo yako.
Hakikisha una kaongelee kako, misemo yako, misimamo na mitindo yako.
Shukuru Amos
Kwa mfano mimi; nina misemo na misimamo yangu maarufu kule LinkedIn:
"Kataa Fikra Elekezi"
"Social Rhetoric"
"Content Alchemist"
"Holiday posts are useless"
"Awards are useless"
Usitumie msamiati wao. You’re not just another corporate person using corporate verbatim.
Kama kila mtu kwenye B2B anasema yeye ni "Best au award winning service provider" basi kaa mbali na utambulisho wa namna hiyo. Toka kivingine. Utofauti unakumbukwa. Utofauti unakaa akilini.
Shida ya pili: Una Uoga na Aibu
Tatizo lingine linalopelekea kufeli mtandaoni ni kwamba huna ujasiri wa kuongea kwa sauti yenye mamlaka. You’re being too safe. And shy.
Acha kuremba maneno unapoongelea upuuzi unaofanyika in your niche. Even worse, umeingia kwenye niche fulani na ukafanana na wote walio kwenye hiyo niche.
Sasa nani akusikilize ikiwa umeingia na kuwa kama uliowakuta?
Be a contrarian. Kosoa kile ambacho wengi wanakiamini kwa kuonyesha ama kiko overrated au ni simply useless. Kataa Fikra Elekezi zilizomo kwenye tasnia hiyo.
Hivyo ndiyo utaweza kuonekana na kuchukuliwa serious.
Shida ya tatu: watu hawajali
Umeingia mtandaoni ukijua unachokijua. Lakini hujakaa kudadavu ni kina nani hasa unawalenga. Wanahitaji nini? Kipi kinawakosesha usingizi?
Usiwe tu na hadhira ya jumla, ni lazima uchimbe mpaka umpate unayemtaka.
Kama uko kwenye fitness, unaweza kuamua unataka kuhudumia wanaume au wanawake? Pengine ukaenda niche zaidi ukasema fitness coach for stay home moms, au fitness coach for busy female corporate workers.
Shida ya nne: Maudhui yako yanaboa
Hii ni changamoto ya uwasilishaji. Uandishi wako hauna ladha, hauna vichombezo shirikishi kama vile misemo na tamathalli semi. Yaani unawasilisha tu ilimradi.
Kama ni video basi usemaji, mazingira na vielelezo vya mwili havivutii.
Shida ya 5: Hauko serious
Hapa kuna mambo mawili; bidii na kujigharamia kuwa bora.
Nikuulize swali, ndani ya miezi 9 iliyopita umewahi kulipia maarifa? Yaani kununua kitabu, course, coaching session. Au paid subscription kama vile Medium Membership, X Pro, newspaper subscription n.k. Kama jibu ni hapana au haukumbuki basi hauko serious.
Kuhusu bidii: Kama mwezi huu unajaribu, mwezi ujao hatukuoni; halafu baada ya muda unakuja tena unafanya fanya unapotea tena. Hapa si bora utafute ajira na ukawe mfanyakazi mtiifu. Mafanikio mtandaoni yanahitaji watu wanaojituma.
Kama haujui kinachokufanya usifanikiwe mtandaoni, hauwezi kupata suluhu. Kama haujui ni aina gani ya maudhui yanafanya vizuri, utaendelea kubahatisha.
Nina matumanini makala hili imekufanya uhoji mkakati wako mzima wa kuuza maarifa mtandaoni.
Ninaitwa Shukuru Amos. Ni mwandinshi wa kitabu cha Mbele Ya Muda. Ndani ya hiki utajifunza kuhusu personal branding, maudhui na biashara mtandaoni. Pia nimeandika Mwongozo mfupi kukusaidia Kutengeza Profile Yako ya LinkedIn au X mwanzo mwisho.
Mwisho
Unaishi kwenye Ulimwengu wa Digitali. LAKINI kwanini habari za kupata PESA na MAFANIKIO Mtandaoni unazisikia kwa watu wengine tu? Na ukiangalia bado KIJANA kabisa. Ni kweli umekubali kuwa mtazamaji kwenye Uchumi wa DIGITALI? Hapana bwana!
Habari kwa Digital Writers Tanzania. Sasa Unaweza kujipatia pesa kwa kuandika kwenye jukwaa la Medium. "We’ve added 77 countries to the Medium Partner Program" taarifa rasmi kutoka Medium ilisema mnamo August 6, 2024.
Kabla ya hapo, Tanzania haikuwemo miongoni mwa nchi ambazo writers waliweza kujipatia pesa kupitia makala zao kusomwa. In fact, hakukuwa na nchi hata moja ya Afrika.
Kama ilivyo kwa majukwaa mengine yanayolipa watengeneza maudhi, kuchelewa kwa Tanzania kuwa kwenye orodha ya Medium Parter Program ilitokana na shida ya njia ya malipo. Wanatumia Stripe kugawa malipo.
Mwezi Februari nilijaribu kujiunga nikaambiwa "You are located in a country that is not eligible for payouts." Basi kwenye orodha hii mpya, Tanzania imo. Kazi kwako msaka maokoto mtandaoni.
Je Jukwaa la Medium ni Nini?
Mtandao wa Medium ni kama YouTube lakini kwa waandishi. Ni jukwaa la waandishi wa makala zinazohusu mada mbalimbali. Yaani unaweza kuandika chochote kwa ujuzi, uzoefu au maoni yako. Medium inakuwezesha kumiliki blog yako ambayo tayari ina wasomaji maana watumiaji wa jukwaa lile ni takribani milioni 100 kila mwezi.
Je Unalipwaje kwa Kandika Medium?
Kupitia Medium Partner Program, ukiandika makala yako ikapata engagement kama vile likes/claps, comments na activity zingine kama highlights, unaweza kujipatia kiasi fulani cha pesa (in dollars). Zikifika dollar 10, zitatumwa kwenye akaunti yako ya benki yoyote hapa Tanzania.
Masharti ya Kujiunga.
Ni lazima uwe mtumiaji wa Medium Pro, wenyewe wanaita kuwa Medium Member. Ni dola $5 kwa mwezi. Kama hauko tayari kutumia pesa ili upate pesa basi fursa hii si yako. Pia uwe umechapisha makala kwenye jukwaa hilo kwa kipindi cha ndani ya miezi 6 iliyopita. Hii maana yake: Unaweza kujiunga leo na ukaandika makala zako mbili au tatu hala ukaomba kujiunga kwenye programu ya kulipwa. Epuka kutumia AI kuandika makala zako, hiyo hawataki kabisa. Wanataka ubora na uhalisia.
Andika chochote unachokijua, uzoefu wa maisha au ujuzi wako kitaaluma. Hakuna masharti ya nini cha kuandika. Ila ushauri tu kwako Mtanzania, andika kwa Kiingereza ili usijifunge kuandikia Waswahili tu.
Takribani wiki mbili zilizopita nilipigiwa simu na mfanya biashara mmoja akisema nimsaidie kutengeneza website. Website ambayo mtu akiitembelea awe convinced directly kuwa mteja wake, yeye yuko tayari kulipa kiasi cha pesa ilimradi tu hayo matokeo anayoyataka ayaone.
Nilijaribu kumwelekeza kuwa kwa upande wa website sisi tutafanya mikakati ya SEO kuifanya website yake ipande kwenye search engine ili mtu anapotafuta huduma unayoitoa aweze kukuona kirahisi kwenye search result ya google. Tutatoa mapendekezo maudhui yaweje kwenye website ili kuvutia zaidi.
Baada ya hapo mtu hawezi kushawishika moja kwa moja kununua huduma yako kwa kutembelea website yako tu kuna mambo mengi ambayo humfanya mteja afikie maamuzi ya kununua huduma yako ikiwemo maudhui yaliyopo kwenye website, muonekano wake lakini pia utofauti wako kwa social media (positioning).
Sababu kwenye website kuna sehemu ambayo huwa tunaweka social media links mtembeleaji aki-click hizo link je huko kwenye social media atakuona kama ulivyojionyesha kwenye website?
Je, marketing strategies zako zitamfanya mtu arudi tena kwenye website au ashawishike kununua bidhaa yako, brand yako ikoje?
Website pekee haiwezi kukufanya upate wateja mtandaoni bali itakujengea visibility shikamavu mtandaoni.
Gharama ya kutaka kuuza leo leo
Mfanya biashara anakupatia fedha kwa mashart kweli kweli: “Nataka ndani ya mwezi huu nianze kuona matokeo, nipate wateja wa kutosha, followers wengi, I want to see big numbers n.k.”
Ni kweli hakuna mtu ambaye anataka kutoa pesa yake halafu baadae asione matokeo. Hakuna. Kila mtu anataka kuona amepiga hatua kwenye kazi yake lakini ni vyema kujua ukweli kuhusu kupata wateja mtandaoni kabla hujaazimia kuanza kuuza bidhaa/huduma zako mtandaoni.
Inabidi ujue kuwa kuna mchakato hapa katikati mpaka kuwapata wanunuzi wa bidhaa yako ambao ni :
Brand awareness (Watu wakufahamu)
Build community (Watu wakuamini)
Conversion (Watu wahamasike kununua)
Wengi wanakosea hapa:
Anarusha matangazo kwa media either yeye mwenyewe au marketers aliowalipa, akitarajia kupokea utitiri wa wateja. Lakini, asilimia 80 ya simu zinazopigwa zinaishia kwa watu kuuliza maswali kisha wanachikichia mitini. Kweli, idadi ya followers inaongezeka, lakini cha ajabu, mauzo hayaongezeki.
Kwenye tangazo, comments zinasoma 1k hadi 5k lakini matokeo anayoyatarajia yanagonga mwamba kila kukicha. Mteja anaanza kuwalaumu marketers kwa kushindwa kufikia matarajio yake.
Ikiwa anapata yote hayo, shida ni nini hasa?
Shida kubwa ni kwamba mfanya biashara anataka kuuza leo leo kupitia tangazo au matangazo mawili matatu aliyoyatengeneza jambo ambalo ni gumu kulifanikisha, hajui umuhimu na kujenga msingi thabiti kwenye mitandao ya kijami ili apate matokeo anayoyahitaji.
Kuanza na malengo ya haraka bila kuwekeza katika brand awareness na kujenga community ni sawa na kujenga nyumba bila msingi imara.
Watu wengi wanaweza kuona bidhaa yako lakini kama hawakufahamu au hawana imani na brand yako, hawatachukua hatua ya kununua.
Matokeo hayo yanatokana na ukosefu wa uelewa kuhusu safari ya mteja (customer journey) na jinsi inavyohusiana na mauzo.
Kwanza, ni muhimu kuhakikisha kuwa watu wanakufahamu (awareness), kisha wanakutambua na kukuamini (community building) na mwisho wanakuwa tayari kununua (conversion). Hii ni safari inayohitaji muda, uvumilivu, na mikakati sahihi.
Maudhui unayotengeneza leo yanaweza kukupa wateja wengine miezi sita ijayo. Jaribu kuliangalia soko kwa miazi sita inayokuja utakuwa katika hali gani.
Ni muhimu kujua mchakato mzima wa masoko utakaoupitia na nini kinachohitajika ili kufikia malengo yako ya kuuza mtandaoni kwa urahisi.
Mwisho
Kabla ya kurusha matangazo, ni vyema kuanza kwa kuwekeza muda na fedha katika kujenga brand awareness na community.
Hii itahakikisha wanunuzi watakapokuwa tayari wamefahamu na kukuamini basi watakuwa tayari kuchukua hatua ya kununua bidhaa au huduma yako. Mkakati huu wa hatua kwa hatua utaongeza uwezekano wa kupata matokeo ya kudumu, badala ya matokeo ya haraka yasiyo na msingi.
Mafanikio ya kweli kwenye masoko ya kidigitali hayaji bin vuu kwa usiku mmoja. Inahitaji uvumilivu na uwekezaji wa muda mrefu. Post yako leo inaweza kukuletea mteja miezi miwili ijayo lakini ukitaka kuuza leo leo utajikuta unaungana na wale wanaosema "Mitandao haisaidii"
LinkedIn ni chuo kilichosheheni walimu waliobobea kwenye fields zao. Ukiachana na kupost, ukitulia vizuri na ukaamua kujifunza kutoka kwa watu wengine, kuna vitu vingi utajifunza tofauti na mtu ambaye hayupo kabisa LinkedIn.
Wapo watu ambao yamkini hawajapata fursa yoyote lakini kuwepo kwao linkedin wamehamasika kubadili maisha na mitazamo yao kwa ujumla.
Binafsi SEO, personal branding na mambo ya marketing nimejifunza kupitia LinkedIn learning. Kuwepo linkedIn kumenisaidia sana katika career yangu.
Tuangalie umuhimu wa wewe kuwepo LinkedIn katika kujifunza.
1. Linkedin ni jukwaa la kujifunza na kukua kitaaluma.
LinkedIn ni tofauti na majukwaa mengine yalivyo. Hili jukwaa siyo tu la kuchapisha habari au kutafuta kazi; ni mahali pa kujenga connection, kunoa ujuzi, na kupata maarifa mapya kila siku.
Kupitia posts zako watu watakupongeza na kukuchallenge kuhusu taaluma yako jambo ambalo ni zuri katika kujifunza. Hii itakufungua ubongo ubadili mtazamo juu ya hicho unachokijua sasa.
Ukiona posts zako zinapata negative comment usiwaze sana ni mambo ya kawaida mtandaoni.
Pia LinkedIn inakupa uwezo wa kushirikiana na watu wenye ujuzi wa hali ya juu kitaaluma kukuzidi kwenye sekta mbalimbali, na kwa kusoma makala zao zenye kuelimisha unaongeza madini mapya yatakayokusaidia kukuza taaluma unayojishughulisha nayo.
Cha kufanya chagua watu wako watano fuatilia makala zao kila siku, hudhuria event zao (virtual events), na shiriki kwenye posts zao hakika utaweza kufungua milango ya fursa nyingi ambazo huenda pengine usingezipata popote.
2. Kujiendeleza kiujuzi kupitia linkedIn learning
LinkedIn pia ina sehemu muhimu sana inayoitwa LinkedIn Learning. Hiki ndicho kitu muhimu sana kwa kujifunza na ndiyo kitu kilinifanya niazimie kusema linkedin ni chuo. Iwe wewe ni mfanyabiashara, mhitimu, mfanyakazi au CEO, hii ni sehemu sawadata ya kujifunza maarifa mengi zaidi.
LinkedIn Learning ni jukwaa la mtandaoni lenye maelfu ya kozi zinazotolewa na wataalamu kutoka sehemu mbalimbali duniani. Uzuri wake ni kwamba kozi hizi zote zinatolewa bure kwa mwezi mmoja wa mwanzo. Jifunze jinsi ya kujiunga LinkedIn premium bure leo hii upate kufaidika na kozi zilizopo.
Kupitia LinkedIn Learning, unaweza kujifunza kila kitu kutoka kwenye masuala ya teknolojia, biashara, uongozi, hadi kwenye ujuzi wa mawasiliano na usimamizi wa miradi. Faida kubwa ya kutumia LinkedIn Learning ni kwamba unaweza kujifunza kwa kasi yako mwenyewe, popote ulipo, na muda wowote.
3. Inakupa uhuru wa muda wa kujifunza.
Hii inamaanisha hata kama una ratiba ngumu, bado unaweza kupata muda wa kuongeza maarifa na ujuzi mpya ambao utakuongezea thamani katika soko la ajira. Moja ya vitu vya kipekee kuhusu LinkedIn Learning ni kwamba kozi zake zimeundwa kwa namna ya kiutendaji.
Badala ya kupata nadharia tu kama ilivyo chuoni, hapa unapata pia maarifa ya jinsi ya kutumia ujuzi huo katika maisha halisi ya kazi ofisini kwako.
Hii inakusaidia si tu kujifunza bali pia kuwa na ujuzi unaohitajika kwenye nafasi yako ya kazi. Kwa mfano, kama unataka kuboresha ujuzi wako wa uongozi, unaweza kuchagua kozi zinazohusiana na uongozi na usimamizi, kisha ukajifunza mbinu mbalimbali zinazotumika kwenye mazingira yako ya kikazi.
4. LinkedIn learning inatoa cheti kwa kila course.
Ukimaliza chuo unapewa cheti (Certificate) the same na linkedin unapomaliza kozi yoyote LinkedIn Learning unapewa cheti ambacho unaweza kuweka kwenye profile yako LinkedIn. Vyeti hivi vinaweza kuwa na uzito mkubwa, hasa unapojitambulisha kama mtu anayejali maendeleo ya kitaaluma na anayeendelea kujifunza kila mara.
Mfano ukiangalia profile yangu ya LinkedIn sehemu ya Certification and Licence utakuta kuna vyeti nilivyovipata linkedIn Learning nimeviambatanisha pale. Kwako vyeti hivyo vitaongeza mvuto wako kwa waajiri au wateja watarajiwa.
Mwisho wa yote, LinkedIn Learning inathibitisha kwamba kujifunza hakuishii darasani pekee. Katika ulimwengu wa sasa wa kidigitali, ujuzi unapatikana popote, wakati wowote, na kupitia jukwaa kama LinkedIn, unaweza kufikia malengo yako ya kitaaluma na kuwa na mafanikio katika kazi na maisha yako kwa ujumla.
Kwa hiyo, ikiwa unatafuta jukwaa la kujifunza, kuboresha ujuzi wako, na kuongeza thamani yako katika soko la ajira, LinkedIn Learning ni rasilimali muhimu sana ya kuchukua hatua hiyo.
